贈券風波

有朋友抽獎，得到一張五十元的酒樓贈券，喜出望外！

「於是我咪約齊全家十幾人，喺廿三號去幫襯呢間酒樓囉。」

這酒樓位於烈治文市中心，名字叫〝龍 X 海鮮酒家〞。

「張贈券寫住週末唔用得、假期唔用得、唔係晚飯唔用得、特價餐唔用得、食唔夠一百蚊唔用得，我跟到足晒… 」

怎料到伙記依然拒絕他...

「今日係廿三號，唔用得！」

朋友據理力爭...

「廿三號喎，唔係週末又未係假期！」

伙記不為所動，堅守原則...

「近住假期都唔用得！咁阿先生你仲點唔點菜吖？」

朋友眼見勢成騎虎，多講無益，唯有向現實低頭。

「算啦，唔該你畀個餐牌我點菜啦。」

沒想到這個伙記居然答道...

「唔使點嘞，今晚廚房忙，你哋食和菜啦。」

吓，連點菜的自由都沒有，簡直可怒也！

於是找來部長理論，結果爭取到點菜的自由...

「點知仲慘！話我人多，每碟菜都加碼，一餐便飯最後埋單三百幾！」

好奇心驅使，問朋友取來〝龍 X〞 贈券一看。

原來最後一項條款寫明：「本店有權隨時更改本贈券使用條件以符合本店利益」。

「我以後唔會再幫襯，亦會叫我啲親友唔去幫襯呢間〝龍 X 海鮮酒家〞！」

送出贈券的本意是招徠生意，結果適得其反...

何苦來哉？