舔舔利

十多年前就認識《舔舔利》的鄭生和鄭太。

那時候我在列治文太古廣場開店，《舔舔利》是我的芳鄰，我經常過去吃午餐。

巴東牛肉飯是我的至愛！

「原本想叫間舖頭做《八婆屋》，無意中睇見依家用嚟做商標呢個公仔，靈機一觸，就改咗佢做《舔舔利》。」

鄭生是潮州人，原本在香港從事製衣生意，鄭太是印尼華僑，家庭主婦，一家之「煮」。移民加拿大之後，夫妻改行做飲食，招牌寫明「鄭媽媽主理」！

以前鄭太睇舖，少見鄭生。現在剛好相反。

「太太要留喺屋企睇孫，咪我出嚟睇舖囉。不過，啲生意慢慢都會交落畀個女同女婿打理嘞。」

《舔舔利》傳女不傳仔，這就是最初鄭生想為舖頭取名《八婆屋》的原因？

後記：今天介紹多米尼去幫襯《舔舔利》，兩個人都要了巴東牛肉飯。我的一份特別加料，多了好多馬拉盞。食到舔舔脷！