擔屎唔偷食

有一次閒話家常，媽媽對我說：「您爸爸係老實人，一世人擔屎唔偷食。」

皺起眉頭，我問：「媽！您見個擔屎會偷食嘅人咩？」

廣東諺語、俗語、俚語、歇後語中，對「屎」的文字運用多彩多姿：

「倒瀉屎都有佢份」，證明此人諸事八卦。「屎坑關刀」，文〔聞〕唔得，武〔舞〕唔得。「疴屎唔出賴地硬」，毫無責任感！「陰乾神仙屎」即是唔湊〔臭〕米氣。

「屎唔臭都食」是五、六十年代很多人講的一句說話！

畢竟，那是一個物資貧乏的年代，夜來香是可以賣錢的東西，真會有人打它主意的可能。