今日廟街

一個人去茶餐廳搭枱，叫了一客梅菜扣肉飯做晚餐。

和我對坐的菲律賓人愁眉苦臉地對我說：「我今日好病，依家連食飯的力氣都沒有。」

嘩，咁都得！

君子不立危牆之下，馬上三扒兩撥，夭之大吉。

見時間尚早，去了逛附近的廟街。

廟街因天后廟而得名。每當夜幕低垂，廟門關閉，天龍八部，四方神聖就會蜂擁而出，各謀生計，熱鬧非常！

就我今次所見，街上小販賣的東西似乎比女人街的稍高一檔，以洋人及遊客為對象，連睇相佬都識得用英語解釋流年八字。

廟街以前滿佈阻街女郎和兜賣黃色刊物的小販。現在數量明顯減少了，但是依然存在。

不過，好奇怪，跟幾十年前一様，所有黃色從業員，甚至或明或暗的風月場所都只出現在單數街號的一邊。

近雞記麻將館的幾家食店都非常好生意。一家叫「四季煲仔飯」的最誇張，人客排隊排到街尾！

好熱鬧的 Temple Street。