女燒衣

從前聽地水南音的人多數出入風月場所，故此內容每多男女間的離愁別緒，鏡花水月之情。

《客途秋恨》、《男燒衣》廣為流傳，原來還有一首《女燒衣》。

最近從網上搜尋到《女燒衣》的歌詞，在這裡節錄一段和大家分享：

奈何橋上，好啦尋到嗰個姓蔣亡魂
三娘將佢呢，將佢姓名問呀
問過死生時日呀都冇嘅差分
蔣亡便答，吓你何須將我問呀
乜你為何攔住待橋生
啊！米婆答話哩非別故嘅
因為壇中嚟咗你個有情人
昔日青樓煙花地
有個妓娘為你哩好情真
快些﹣快些將我近
等我帶你﹣帶你上壇相會你個舊知心
生到壇前求接近咯
又見﹣又見我哋知心旁立呀淚﹣淚紛紛
生就﹣生就把白米拎來在手上呀
連忙抛去妹衫襟
妹呀﹣妹呀，難得你咁﹣你咁有心來把我問呀
煙花場上算你第一個情深呀
妹呀海上嘅易求無價寶呀
娼寮難﹣難搵妹呀你咁有情人﹣人﹣人
唉，妹呀，可﹣可惜你咁有情有義煙花困
你早日﹣早日揀個多情男 ﹣男子呀共你 ﹣共你贖身
妹呀今生今世自問同你冇緣份
小生壽夭難以享受呀妹，妹呀你有情人
唉，妹呀，你早日別卻娼寮離花粉呀
你我係愛情休記恨
你早日唔使當娼為下等呀
願你青樓早日別風塵﹣塵﹣塵
唉，嬌聽罷喎，叫句﹣叫句情哥
哥呀，一心指望咯，你帶我脫災磨
唉，誰料薄命嗰啲女人邊個似我
未得﹣未得哥呀埋街帶我，我就剋死了哥呀
哥呀，願你早日保祐我就離災禍呀
自從死後我食少愁多
今日請﹣請你上壇來講過
我但得﹣但得離災禍，我勢唔跟第個
我寧願齋台食素係永念﹣永念彌陀﹣陀﹣陀
唉，不怕蔣亡聽呀，叫句我哋妹粧前
妹呀，
乜你咁呆呢？
你何食素係咁迷癡
唉想你竹葉﹣你竹葉咁青，
愁﹣愁冇安樂嘅日子咩
使乜齋堂食素去委尼﹣尼﹣尼
唉，陰陽隔別咁就難共你再親切呀
妹呀，唔能共你再效于飛
唉，總係妹呀，你有心來﹣來問，我就吩咐呀你
願你娼寮早日花粉呀別離﹣離﹣離
唉，妹呀總係﹣總係跟佬埋街呀，千祈咪話貪靚仔呀
千祈咪貪風月唔受迷癡
唉你顧住世人腹﹣腹有蜜，口有蜜言腹有劍
你還須記住嗰啲巧語花言
唉，你千祈咪一時受了人家騙呀
願妹娼寮醒定好自為之
唉，虧我講不盡﹣講不盡世人心裡事呀
你從頭考過未至便宜
係啦講不盡﹣講不盡世人心裡事呀
妹呀，我時辰已夠返落陰司
嬌答一聲哥呀你唔﹣唔好去住呀
我有好多言﹣言語未講郎知
係啦陰魂一去咁就難﹣難留住
嬌嬌頓首淚呀如珠
咁佢長嘆一聲哥呀﹣哥呀忙氣死呀，跌在塵埃地呀
登時嬌姐氣到面轉黃泥﹣泥﹣泥
1935 年香港政府明令禁娼，地水南音開始式微。

六十年代也曾在電台熱播，但是到現在，彈唱者已是寥寥無幾，真正由盲人演唱的地水南音，相信巳經完全絕迹。