閒言

老友記和我閒聊…

「個幾月前，我收到 CEO 既電郵，想話同我重修舊好。」

「哦，係咩。」

「不過，佢始終擺脫唔開自吹自擂既惡習。」

「本性難移。」

「佢話最近去英國進修時見過一個好巴閉既偉人，學識咗有勇氣去做錯事喎。」

「佢應該係話學識咗有勇氣去承認自已做錯事吓嘛？」

「梗係唔係啦！佢話以後會繼續憑勇氣去做錯事呀。」

「咁都得？」

「跟住佢仲話佢個升職禮請咗個好有名既大文豪嚟致詞，想我去觀禮。」

「結果呢？」

「我啋佢就傻啦！」

老友記對 CEO 的金錢需索曾經有求必應，被 CEO 譽為「一生最敬重的人」。後來 CEO 因為某種原因與老友記反目，並且標籤他為「撒旦的門徒」。

最近 CEO 升職，需要經濟支持。

.

於是努力和各財東修好...

甚至想和「撒旦的門徒」打交道？