〝嗨，大家好，我係 Potato，阿薯。
平時我係唔多講嘢嘅...
不過，實在太多人對我哋有誤會，以為我哋係令到大家〝肥〞既罪魁禍首，因此而疏遠我哋，使到我哋好多薯仔都患上抑鬱症。
所以班兄弟搵我做代表，借阿梁大哥呢個地方向您哋澄清一下。
嗱，點講呢...
我哋雖然其貌不揚，實在係好有內涵同修養既噃。
我哋層皮有豐富既維他命 C，能夠增強免疫力，可以抗衰老。體內既維他命 B6 又可以促進其他營養素既新陳代謝，幫助製造大腦血清素，控制情緒。
我哋既鉀仲巴閉！
佢有助保持血壓水平，直情係高血壓患者既好朋友。
講到瘦身，我哋纖維豐富，容易飽肚，我咁既 size 至多得 120 個卡路里既熱量，半碗白飯都唔夠，肥乜啫？
難得既係我哋平得嚟高貴，幫到您慳家吖嘛！係冇？〞
註：薯仔由南美洲傳入歐洲時，最初只供皇室欣賞，非常矜貴，後來才輾轉流落民間。
阿薯,
ReplyDelete聽人講您嘅勁敵係蕃薯哥!
潮食: 蕃薯條, 蕃薯炆雞,
咖哩蕃薯牛白腩,
香煎蕃薯蓉肉餅
蕃薯粥, 蕃薯糖水,
煨蕃薯...
噫, 真有取代之勢!
論到營養價值、保健瘦身嘛, 不相伯仲!
論到慳家嘛, 阿薯的的確確平得嚟高貴,
值得引以為傲!
所以阿薯千祈唔好唔開心, 唔好鬱住鬱住,
您絕對有您的市場,
飲食、食療平台少不了您!
我地都好鍾愛您架,
我特別喜歡焗薯仔(梗係連皮啦, 咁有益!)
加多多牛油、加葱、加 sour cream!
唔...好味道!
心言姐姐講得好。阿薯千祈唔好唔開心，人家唔明白你係人家既損失。我好鍾意你，而得馬上咬你一啖！
ReplyDelete毛毛蟲
梁兄，紐約又出現了一個「王老師」！
ReplyDelete一位退休人士Robert Fitzpatrick花了畢生積蓄十四萬美元在紐約地鐵和巴士站發佈廣告，預言5月21日將會是世界末日。
有人投訴捷運署不應該接這類廣告，但捷運署認為廣告沒有問題，每個人都有權花錢去做自己認為合適的事。
總之〝有錢收，乜都得〞！
阿薯：
ReplyDelete您好！我叫開您做薯頭既，記得嘛？
個陣您仲係細細粒既新薯仔，唔知點解混左入的大薯、老薯果度，被賣到超市去。我個陣係「薯頭薯腦」的寄宿學生，住係學校，一日買左「有您」個一袋薯仔返宿舍，諗住食一個禮拜「焗薯、水煮薯 … 」架，點知見到您咁得意，又唔捨得食左您，咁咪捱餓一餐囉。
後來，您知道左，同我講叫我種您入泥土，反正您都長出好多嫩芽仔喎，您仲話我可以食您的子子孫孫，長食長有添。我咪偷偷地種左您係後山，您仲鬼咁壯添，葉片密密麻麻咁。
講到依家，您仲記唔記得我呀？
小黑
大家的好意我已經轉達了阿薯。阿薯好開心、好多謝各位！阿薯要我轉告心言不要用太多牛油同 Sour Cream...肥喎！至於小黑，阿薯話慢慢才同你計數〔？？？〕
ReplyDelete多謝阿薯關心,
ReplyDelete一次、半次, 唔係時時食,
做運動囉, ＯＫ架!